من كتاباتى
هشام عبدالله
الدنيا من غيرك
مش مستحبه
......
طب اسأل عليا شويه
وزودها من عندك
ولو مره حبه..
طب ليه بتتأل بحبك عليا
وتبعد النوم عن عيونى
دا.. البخل يا حبيبى فى المحبه
يزيد جوه القلب
حيره... ودقه تايهه
لا يعرف بيها يهدأ
ولا يرتاح ولو مره حبه
طب إسأل عليا شويه
وزودها مره.. ولو حبه
يا أبو قلب صافى
وضحكه لولى.....
الناس من هجرك بيلومونى
ويفهمونى.. ما يفهمونى
وأنا فى حبك عطشان
وأبات افكر....
وعلى ايه بقى يسألوني
ما أنا فى حبك
غرقان وأكتر....
طب إسأل عليا شويه
وزودها من عندك
ولو حبه.......
ياللى التقل عندك عاده
خف عليا وكفاك مش بزياده
هتلاقى والله الحب
عندى ليك كتير وزياده
بس انت اسأل مره عليا
وياريت لو تصبح عندك عاده
خدها منى نصيحه فكلمه
دا.. الحب عندى
ليك مش كلمه
دى.. حياه ورحله
تتبدى بيك من كلمه
بس انت اسأل عليا
شويه وحبه... حبه
وزودها من عندك
ولو مره حبه
دى.. الدنيا من غيرك
ومن حب مش مستحبه
........
ليست هناك تعليقات:
إرسال تعليق