.... كداب ياحبيبي ...
كداب واحلي ما فيك كدبك
وكام مرة تقرب أحلف لأصدك
تجيني ياخدني حنيني ينسيني
عذابي وتعبي طول أيام بعدك
كداب بس كلامك حلو بيعجبني
تقرب مني واقولك هتغني يابني
وحشتيني . تنسيني ليه بتعذبني
اكدب نفسي واصدق منك كدبك
ياسر عذابي وسر سعادتي ودنيتي
منين ما امشي القي صورتك سكتي
نظرتك جرأتك وحشتيني وضحكتي
وبكلمتين بأعلي صوتي اقول بحبك
لو تهدي شوية تبطل سهوكة وحنية
لو تبطل نظرة لديا وضحكة لتانية
هحطك في عينية ف نهاري ولياليا
اعقل حبيبي وحكم ف الهوي عقلك
ابقي جنبك وعينيك سارحة ف حته
كل واحدة عينيك تاخذها صورة ولقطة
وتكلمها بعينيك القاها بتضحك ليك القطة
ولما آخد بالي تحلفلي مكنش قصدك
كداب حبيبي بس حبيبي وأعمل إيه
سامحيني كترت وصبري منين ألاقيه
اغمض عينيك تقول جمالك اشوفه بإيه
بنظرة حنيه تصعب عليا ألقاني بأضمك
مجنون حبيبي وجنانك مش عادي
بتخونني ف غيابي وساعات قصادي
بس بترجع ليا وتشوفك عينيا مرادي
إحترت فيك يرضيك بس حبيبي وبحبك
..... ايمن بلال ...
ليست هناك تعليقات:
إرسال تعليق