صدفه كانت واتقابلنا
كنا جايين من سفر
مادرش يومها حوار بينا
غير اني شوفت وجه القمر
كنت يومها في صراع
دي ملاك ولا بشر
قلبي يومها زاد دقاته
سيبتي في قلبي أثر
قلبي كان بيكلمك
من جمالك انبهر
وعيونك ماغابتش عني
نظرات بتعزف عالوتر
الكلام هجر لساني
كأن لساني اتبتر
رحله كانت مش طويله
تحكي ليالي السمر
وانتهى الطريق بينا
من وقتها ملكني السهر
شوق في قلبي بكل لهفه
مشتاق لوجه القمر
صدفه كانت واتقابلنا
كنا جايين من سفر
(((أسامه جديانه)))
ليست هناك تعليقات:
إرسال تعليق