هجننك..
.........
وحلفت إني بأشتياقي هجننك
وراح اروشك
غصب عنك..
أو رضا
أو حتى لو هيكون قضا
أقسمت اني
لاسرقك
هعمل لي في دماغك
مبيت
واتخبى فيها واسكنك.
وأحتل فكرك
من شعور الحس
حتى آخر وجود
واسبح تمللي جوه حبل
الذاكره
وارسم خيالي
جوه طيفك والرموش
ولا يقدر النني يحوش
و تلاقي صورتي
عامله ورشه
هتهبلك.
تلاقيني بسرح
من عيونك للودان
صوتي ينده جوه صدرك
بالحنان
وكإنه مشهد مأذنه
يعمل تردد
ألف مية مليون
أذان
وتلاقي سحر النبض
يسرق بسمتك
لو يوم يدوب منك حنيني
فوق شفايفك
غصب عنك
روحي حينها
هتسكنك
هتلاقيني بوست همسك
وأشرب الشهد
اللي سال
من وريدك ..
من عيونك
من دفاكي...
من المحال
هلمس السحر المطلسم
جوه صدرك من زمن
واقرأ كل اللي حفظتة
وادخلك من غير تمن
وارجع ف حضنك
زي عيل
يرضع الشوق والدفا
وف ساعتها من لسانك
هسحب البلسم
شفا
واما اتعب لحظه
هلمس شهوتك
وتلاقيني مرهمك
وهكون دوا
وهكون علاج للآهه
يوم ما هتتعبك
واسقيكي من كأس
الهوى
واسحبني منك
زي جن بيلمسك
وتلاقيني غصب عني
هجننك
................
حسن حفني
ليست هناك تعليقات:
إرسال تعليق