لما كنت في الاعدادي
لما كنت في الاعدادي
كنت بشاكل دبان وشي
اي حد يكح قصادي
كنت ارد عليه ومخافشي
وانا من يومي نشيط ورياضي
بعد ما اقوم واغسل وشي
وازوغ م المدرسه عادي
وبالمصروف اشتري شيبسي
والعب كوره مع اصحابي
وانسي نفسي ازاي معرفشي
واخد الموضوع علي اعصابي
عايز افوز ومنهزمشي
ومقضيها تملي هزار
ومقالب مع بعضنا عادي
ونشتغل اخر النهار
والنفسيه حلوه وراضي
ونحترم كل الاعمار
ولا فيه حقد ولا بنعادي
نسمع كلام الكبار
ولا ننطق كلمه مش فاضي
اجمل واحلى تذكار
لما كنت في الاعدادي
كلمات
اشرف مفيد
ليست هناك تعليقات:
إرسال تعليق