شعر غنائي سك التليفون الشاعر الغنائي أحمد العمده

 شعر غنائي

سك التيلفون

سك التيلفون أنا مش عايزاك تضرب تليفون

سك التيلفون انا اعصابي اتصابت بجنون

.ّ............

سك التيلفون وفر وقتك

سك التيلفون أنا مش قدك

صوتك ملاحقني طول اليوم

بتقولي غريق وماليش في العوم

قصدك تتلاعب بعواطفي

تسرق حبي وراحة قلبي

عايز ردي ابعد عني

ولا تستنى مني تيلفون

سك التيلفون

.................

سك التيلفون مش من سني

سك التيلفون واسأل عني

مش هتلاقي طلبك عندي

ولا حتى كلامك يخدعني

لو حتى كلامك يعجبني

مش كل كلامك له معنى

بتقول هدفك يوم تقابلني

ولا حتى الصدفه هتجعنا

سك التيلفون

.......................

مغنى كلامك ولا مشاعر

يلعب بقلوب ومشاعر

همساتك عايشه في كياني

تلعب بعواطفي ووجداني

بس انا قلبي لواحد تاني

سبقك وملكني بقاله سنين

وابعد عن قلبي وتيلفوني

ودور على ليلى يا مجنون

سك التيلفون

....................

الله يجازيك متفكرنيش

استنى معاد يوعد ميجيش

وافضل حيرانه يوم ورى يوم

واسهر بالليل ولا يجي النوم

ويجيني بحبه يصالحني

ولا يفضل ابدا بنا خصام

طول عمري بحبه واصون حبه

ولا عمري اخونه ده يبقى حرام

هو حبيبي هو نصيبي

وشريك عمري في الزوق واللوم

سك التيلفون

.................

وبتسألني ليه عن سني

عديت سنك وبقالي سنين

مش عايزه لقى وفراق وحنين

ولا عايزه سهر وعذاب وانين

انا قلبي خلاص ارتاح وهدي

ورسيت على بر بقالي سنين

من بكره هغير تيلفوني

ولا همسك أبدا تيلفون

سك التيلفون

الشاعر الغنائي

أحمد العمده

عرض الرؤى

معدل وصول المنشور: ٠

١احمد العمدة