لو بمبدأ الكرامه كل ما .. هتزيدي هزيد حرف القصيد مسعد سليم

 لو بمبدأ الكرامه كل ما .. هتزيدي هزيد

و لو حزينه راح أحول كل أحزانك لعيد

شعري كله أنتي فيه ...... حرف القصيد

ليه تملي تبعدي وتخلى نار شوقي تزيد

صبرت كتير ........ وقلبي لسه بتجرحيه

والنهارده جيت لعندك ... لجل ما تطمنيه

شوفتي حزنه ............. ولا حسيتي بيه

ليه بتأسي ... على اللي كانلك يوم وريد

يا أحن قلب رغم كل ................. آلآمك

أيوا أنتي قلبي ............ ما بينكر غرامك

و مهما تأسي عمرى ..... ما نسيت حنانك

يلا بينا ننسى ماضي .. ونبدأ يوم جديد

و نمسح دموعنا ......... و نداوي جراحنا

و نودع كل لحظه شجن ........... تلمحنا

و نرسم ورود ............... يتجمل فرحنا

الفرحه اللي هتكون لقلوبنا ........... عيد

كوني لي نسمه أكونلك ............... ربيع

يحضن عبيرك قلبي................... الوديع

و جوا قلبك و في حبك ............. أضيع

دي روحي وروحك عشاق ............ أكيد

حرف القصيد

مسعد سليم

٢٢

٤ تعليقات

أعجبني

تعليق