( اغم لليرضه بالذل ) شعر عارف شلش الساعدي

 (اغم لليرضه بالذل)

اغم شعب الحضاره القابل ابذله

ولك جاسوس اشوفه

وناهب البيت

وحط ايده ابايد من يحتل

ودنس ارضه وشيع الصيت

وقال اشري الحارس يحرس العرضي

وقال اسنين اعيش اوياه تربيت

بعد شيفيد اذا المحتل يمشيك

ويعلمك عالخداع اوياه تغذيت

وانته التعرف الكل غاصب الجاك

وللمستعمر انته ابسرعه الانسيت

وعشت وقت الاقطاعي اسنين الاوياه

وشفت ذاك الظلم من عنده عانيت

شجاك وتهوئ من الساطك اليوم

وتحت الخيزران اتمد

جسمك القيت

وتحب جسمك يساط

ادبغ اشجاك

وحت ذاك الالم من عنده الاهويت

حيل اوياك واكثر كلشي تلقاه

ولو تحس بظلم كنك محسيت

واليسوق المطي يتحمل ازقاط

واخذ دفرات منه

وكن مسمعيت

حيل اوياك اقول

واكثر اتشوف

يلتحب الحكم اوللظالم اهويت

وبعد لتهوس وتطبل

اوتختار

وليش التنتخب وياكتله الانويت

ولك اجلس ابيتك

وغمض الاعيون

وسد ادنك اوفمك

يلي اوعيت

وبعد ليش اتظاهر بالمسيرات

اشو كلهم اجو بس يطلب الصيت

وحراميه احكمونه من الكتل هاي

وعليهم وافقيت وبيهم ارضيت

شعر عارف شلش

الساعدي

العراق. بغداد

٢الشاعر عارف شلش الساعدي وشخص آخر

١٧ مشاركة

أعجبني

تعليق