( يا واخد م القمر ضيه ) :
يا واخد م القمر ضيه
وخاطف م السما نجومه
لا انا طايلك ولا طايله
فايتلي ليله وهمومه
لفين رايح وفايتنى؟
ودنيتك لفين واخداك؟
وفين ما تروح انا برضه
على عهدي حعيش ذكراك
ليه دايماً مني تتهرَّب؟
وتهجر دنيتي وتبعد
ببعدك عني بتقرب
عشان قلبك بدأ يعند
بدأ يعند ماهوش راضي
تكون الخصم والقاضي
مفيش إنسان بدون اخطاء
مفيش حاضر بدون ماضي
حتبعد عني وتجيني
حاسامحك وانت ترضيني
حتتندم وتتأسف
وتمسح دمعي من عيني
حتتندم وتتأسف
وتمسح دمعي من عيني
بقلمي الشاعر جمال زكي عينر
ليست هناك تعليقات:
إرسال تعليق