، ( منين اجيب إبليس ؟) بقلمي الشاعر جمال زكي عينر

 ( منين اجيب إبليس ؟ ) ؛

منين اجيب إبليس ؟

يغويكي وتجيني

واعمل عمل عفاريت

علشان تحبيني

الشعوذة ف حبك

سحره بيرضيني

حبك مجنني

يا مين يداويني ؟

منين اجيب إبليس ؟

يغويكي وتحني

نفسى معاكي اعيش

وتقربي مني

في عشقك بقيت درويش

ما تبعديش عني

حرام عليكي إرحمي

الرمش والنني

منين اجيب إبليس ؟

واعمل عمل واغويه

يبقى ف ايديا طوع

واقدر عليه واطويه

واقولِّه هاتلي النجوم

وهات معاها القمر

أحلم به طول اليوم

واعيش في ليله السهر

وتبقى اجمل حكاية

ويبقى اجمل قدر

واعيد ليالي الهنا

واسمع طرب حكاويه

ومادام ييجيني حبيبي

وبقربه يسعدني

حاصرف بقى إبليس

وحاقول له فارقني

عملت لي المطلوب

سيبك بقى مني

مهما عملت خسيس

إرحل بعيد عنى

مهما عملت خسيس

إرحل بعيد عني

بقلمي الشاعر جمال زكي عينر

عرض الرؤى

معدل وصول المنشور: ٨٣

٧محمد عزت، شحاته على ابودرب و٥ أشخاص آخرين

١٨ تعليقًا

أعجبني

تعليق