عندى سر # خالد عبد المعطى

 عندى سر

يعرفوه الكل عنى

لكنه برضوا لسه سر ..

..

بيبان فى صوتى لما أغنى

و يتوه و يبعد عن عقولهم

لكن فى قلبى مستقر ..

..

و لا مره فاتنى و لا مره خاننى

ولا مره غير فيكى ظنى ..

..

يا نسمة الحياه فى صيفى

يا لمسة الابداع فى فنى ..

..

يا بدر صدق فى ليالى زيفى

يا كف خير للغير محنى ..

..

يا ورده العمر فى خريفى

ابعتى طيفك لطيفى

هيقوله سر ..

..

انت فى حياتى اصبحتى ماضى

لكنه ماضى مستمر ..

..

#خالدعبدالمعطى

عرض الرؤى

معدل وصول المنشور: ٢١

١غسان الأميري