{الخان شعبه}
مااذل نفسي واطخ الراس للباع الضمير
ونهب كلشي وحوسم
وهجر احبابه
وخان اهله والغدز طبعه انكشفلي
وضاق طعم الملح للماشه اصحابه
وشرب من دجله وفرات
وصاحب الغدار و ايدنس اترابه
وصبح كالعلاس اشوفه ياحسافه
ودخل بينه ونهب كلشي وبحسابه
وصار ويه الجاي ينهب
واصبح ايدق بربابه
والي يستعمر تعنه
واصبح اليطرب عتابه
وصرنه لاراعي الي عدنه
وكالقطيع ايتيه مهجور بخرابه
وانحسها عابه
والوحوش انهشت بينه
وغابه مليانه ابذيابه
سته وثلاثين ذيب
الشفته امعط
والدجاج ابلايه حارس والله يابه
وخوش لقمه للاجونه وهجرونه
وسنين وتمر وكل شخص ضيع شبابه
والطفل شيب نشوفه
وماعرف يقرا كتابه
والجهل خيم علينه
وعصر للجاهليه عاد
ومن جديد
والتقدم عد حسابه
بعد مامر بغيابه
وصاحب القومي التعنصر
والغطا بسلوب دين وبالنيابه
خوش حكم اسنين وتمر
اودع البزون شحمه
والنه جابه
والحرامي ايحب حرامي
وهوه وياه ابنسابه وهم قرابه
ومااذل روحي واطخلك
وكلمن اليرفع نقابه
الناس تدري وكلها تعلم
وكلمن اليكشف حجابه
واحنه العشنه غرابه
شعر عارف شلش
الساعدي
العراق. بغداد
ليست هناك تعليقات:
إرسال تعليق