مطلوب حبيب شعر \ محمود نور الدين

 .. مطلوب حبيب ..

عملت إعلان في المدن....... ويّا النجوع

قلبي بيشكي وحدته.. هيموت م الجوع

وكتبت فيه من لوعته..

مطلوب حبيب

مش شرط يبقى بقلب خالي

بس المهم يكون قريب

مش شرط حاله.... زي حالي

ويكون لجرح القلب طبيب

محتاج لحد .... أسند عليه

وف كل وقت....... أحنّ ليه

ويكون وطن..... وألجأ إليه

و يكون بقلب حساس رقيق

و يكون لقلبي.... تملّي رفيق

آخر أمل ..

آخر محاوله..... بدون وجع

مش حمّل من تاني أتخدع

من غير ضياع

بدون دموع... وقت الوداع

و يكونلي واحه من الحنان

ويكونلى حُضن وفيه أمان

ويكون مكان

دايما بروحه فـ وحدتى

و ‏يكون سعادتي بدنيتي

و يكون دوايا من الجروح

انا نص قلب.. و نص روح

محتاج لحد أكمله.... و أكمل معاه

محتاج لحد يحلّى فـ عنيا الحياه

محتاج لحد يكون " انا "

يقسم معايا الصبح

و الليل الطويل

ويكون دوا لقلبي العليل

ميكونش نقطة ضعف

أو سم فـ عسل

ميكونش لحظة خوف

أو ساعة كسل

يشاركنى في وقت الفرح

يشاركني لو قلبي إنجرح

يمسح دموعي بضحكته

ويعيش آلامي بدمعته

و الصمت و الخوف و البكا

وأمسح دموعه إن يوم بكا

محتاج لحد إن سبته أنا..

يمسك بقلبي مش يسيب

مطلوب حبيب ..

ميقومش بس بدور حبيب

يحسّ بيّا وأحس بيه

يعيش بقلبي وروحي فيه...

شعر/محمودنورالدين

عرض الرؤى

معدل وصول المنشور: ٣٨

٢٢