خلاص
خلاص هعيش لروحي
وأنسى عذابي وجروحي
بعد مانسيوني الحبايب
وأسهر بين دمعي ونوحي
أنا ياما ضحيت عشانهم
وإشتريتهم بعمري كله
وعمري ماقلبي خانهم
وإتحملت الغرام وذله
هنساهم وعيش من تاني
وأرجع لأحضان زماني
وأداوي جراحي بإيدي
وأزرع في القلب أماني
هسامحهم ومش ندمان
وهسبهم أنا للزمان
وأخد نفسي في أحضاني
وكفاية بكا وأحزان
خلاص
بقلمي/ الشاعر وحيد محروس خليل
ليست هناك تعليقات:
إرسال تعليق