شوفت بعيني
ع الرصيف
شفت حاجات كتير
حاجات تفرح
وتانيه تحزن
شُفت شباب وبنات حلوين
ماشيين مبسوطين
منورين
وع المدارس رايحين
وشُفت ناس غلابه مساكين
من غير غطا ع الرصيف نايمين
وناس تانيه
في صناديق الزباله نازلين
وشُفت بياعين الخضار والفاكهه
بعربيات الكارو
على الرصيف وتحته واقفين
دا غير أصحاب الدكاكين
بالبضاعة في الشارع
وع الرصيف فارشين
دا بتاع أدوات منزليه
ودا بتاع هدوم
وغيره بتاع سجاد وبطاطين
غير بتوع الدره
شوي ع الفحم ومولعين
وبتوع السمك
والكابوريا والجمبري وإف
ع الرياحين
كل دا والناس ماشيين شايفين
والشارع لمين
مش عارفين
ياضي العين
ابراهيم محمد آدم
ليست هناك تعليقات:
إرسال تعليق