*** عيونك بحر *** للشاعر \ صابر الشناوي

 *** عيونك بحر ***

للشاعر /صابر الشناوي

قالتلي إوصف لي عيوني

بكلمه مش أكتر

قلت. لها إزاي

دا عيونك بحر لأ أكبر

عيونك ليه واخداني

بأحلامي وشداني

واشعلق بيكي وجداني

أخاف يوم لتنساني

وادوق المر

عيونك بحر شطه بعيد

تخدني بشوق معد التنهيد

أدوب واسرح بلمسه إيد

أحس إن وصلت البر

وأنا بغرق كل يوم

أكتر. من الأول

أعوم وأسبح

أللاقي الشط لسه بعيد

يمكن أبعد من الأول

تقولي الصبر منا صابر

أنا مؤمن ومش كافر

أنا شاعر وللعشاق

بقول. أشعار

ولو قلبك في يوم يعطف

واحساسك في يوم ينصف

هتقولي إن زي نزار

بقولك شعر

عيونك كون فيها

المعنى والمضمون

لكل أصول العشق

عيونك رزق

للي يشوفها وكان مهموم

يحس بفرق

عيونك ديا اللي اتولد

فيها كل طقوس السحر

عيونك بحر لاء أكبر

لان البحر مش ممكن

في يوم. يقدر يدوب

فيه كل بحور الشعر

عيونك هوا عيونك سما

عيونك نسمه بتهفهف

في ساعه حر

عيونك هزو أوتاري

عيونك سحر مداري

سرق مني كل حروف الشعر

بقيت كل إما أكتب

شعر أو قصه

أحس أن يدوب لسه

بتهجي وبتعلم كتابه الشعر

بأحس إن حبيب هايم

في حبه و لسه

مستني يحوش مهر

وأحس أنا العاشق

بوجداني بلون. تاني

وأخاف لحظه لتسبقني

سنين العمر

وأنا العابد وانا الدرويش

وأنا السكران وأنا الشربان

لكل كؤس الخمر

وانا المجنون بأوهامي

وانا المسجون في أحلامي

لأن مشفتش عيون تاني

تعلمني معاني الصبر

لأن عنيكي شدتني

لدنيا جديده وخدتني

وأحلامي بتتسرسب

فجأه لقيتني وأنا بكتب

بقيت في خريف العمر

وإنت عيونك بحر لأ أكبر

هعوم وأسبح فيها للآخر

وبدعي ربنا يستر

وبدعي ربنا يستر

عرض الرؤى

معدل وصول المنشور: ٢٨

٥Mansour Benmansour، صابر الشناوي و٣ أشخاص آخرين

٨ تعليقات

أعجبني

تعليق