شعر غناى (( يازمن ))) بقلم الشاعر الغنائى محمد البريمى

 شعر غنائى ..

((( يا زمن )))

من قد إيه يا زمن .. خلتنا م فرحناش ..

كنا بندارى دمعننا .. عشان نضحك ولا ضحكناش ..

كتر الهموم دوبنا .. و الهم مش راضى يسيبنا ..

كنا بنغسل هدومنا .. بدموع الصبر ولا إرتحناش ..

من قد إيه ..

قالوا الصباح و المسا للله .. و العين بتعشق من طله ..

و الشكوه للغير مزله .. و الحبايب بقوا قله ..

و هما فين الحبايب .. باعونا من غير سبايب ..

راحوا و فاتولنا الجرح طايب .. .. و زرعوا ف قلوبنا الكره و العله ..

من قد إيه ..

ساعه بأكون فرحان و بأغنى .. لو كان البال رايق و متهنى ..

و ساعه أبكى غصب عنى .. مش لاقى حد يفهمنى ..

و الوحده مره و حرافه .. و الدموع تملى سباقه ..

و الناس عيونها براقه .. مش عايزه أبدآ ترحمنى ..

من قد إيه ..

جرح السنين لسه معلم .. ونا لسه منه بأتألم ..

لا قادر أحكى ولا أتكلم .. و لمين أشكى و أتظلم ..

كل م أهرب من عذاب .. يتفتحلى ألف باب ..

كل م أنسى الزمن الكداب .. ألاقينى لسه بأتعلم ..

من قد إيه ..

بقلم الشاعر الغنائى ..

محمد البريمى ..

عرض الرؤى

معدل وصول المنشور: ٣١

٣محمد عزت، شحاته على ابو درب وشخص آخر

٤ تعليقات

أعجبني

تعليق