ـــــــــــــــ كتكوت طماع ـــــــــــ بقلمي صلاح الفيداوي

 ===== كتكوت طماع =====

عمي أمين جاب كتاكيت

يحط الأكل ومعاه الميه

يطلع عمي أمين ويقفل

ويسيب الكل ياكلوا سويه

قام فيهم طماع بشويه

يجري ويضرب كل صحابه

لأجل ياكل هوه الاول

والكل يبص من بُعد عليه

وبسرعة يكبر ويشيل لحم

ومن أكله يبقي قد ديكين

عمي أمين شافوا سمين

قال هوه عشانا الليله

ندبحه وع النار نقوم نشويه

شافوا كل زمايله المنظر

كلهم فرحوا وضحكوا عليه

قالوا يستاهل ياما ظلمنا

بمنقاره بيضرب وكمان رجليه

اهو راح النار والكل ارتاح

ولا حدش يبكي بدمعه عليه

وٱدي جزاة الظالم نار

تشوي جلدة وكل مافيه

بقلمي

صلاح الفيداوي

القاهرة

٢٨/١٢/٢٠٢١

٢صلاح الفيداوي وشخص آخر

٥٢ مشاركة

أعجبني

تعليق

مشاركة

٠ تعليق

نشط