(( وحشانى )) بقلم الشاعر الغنائى محمد البريمى

 شعر غنائى ..

((( وحشانى )))

لو طلت أسافر و أغادر البلاد .. لجيتلك طاير على جناح الحمام ..

لأجل م أبرد .. نار ألأشواق و الغرام ..

أنا مش قادر ع البعد لو طال .. لما العين إشتكت و الدمع سأل ..

ياما نفسى أشوفك و أكيد العزال .. و أقولك بنفسى أحلى كلام ..

لو طلت أسافر ..

وحشانى يا عيونى وحشانى .. نفسى الأيام ترجع تانى ..

ضحتك ليا هيا طبيبى .. كلامك معايا فرح و أمانى ..

أنا محتاجلك عايز أشكيلك .. عايز أدفى ف حضن قنديلك ..

الشوق ف قلبى بيناديلك .. قوليلى إيش أسويلك ..

لو طلت أسافر ..

ف قلبى ليكى حاجات كتير .. بس فين هو الأمل ..

اللى يوصلنى لبرك الأصيل .. و أضرب بجمالك المثل ..

و أخدك و نطير على أبعد جزيره .. و هناك نعيش أنا و إنتى مع آحلامنا الجميله ..

ننام و نصحى على دقة قلوبنا .. لا عوازل تلومنا .. ولا حبايب تجرحنا ..

لو طلت أسافر ..

لو طلت أجيبلك نجوم السما .. و أخطفلك عيون القمر ..

م أتأخرش عنك .. لو هيكون على حساب العمر ..

دا كل الدنيا م تغلى عليكى .. بس إنتى شاورى كده بعنيكى ..

كله هيبقى ألسطا و تحت أمرك .. روحى و عمرى ملك إديكى ..

لو طلت أسافر ..

بقلم الشاعر الغنائى ..

محمد البريمى ..

عرض الرؤى

معدل وصول المنشور: ٤٣

٤محمد علي فرغلي احمد، سماح الحنفي وشخصان آخران

٩ تعليقات

أعجبني

تعليق