من كتاباتى
هشام عبدالله
أحلم
........................
عيش .. أحلامك أفرح بيها وعيش
خلى قلبك يدق ليها متخبيش
دى هى أيامك خليها قدامك متخليش
الناس وأحزانك ليها يضيعوها ... عيش
عيش .. دى الدنيا متسويش
أى نقطه دموع
ولا حزن يعيش جوه العيون
يخليك تشوف الضباب
معشش بين الرموش
عيش .. وأفرح بالحياه
أكيد هتلاقى مبتغاك
وأنسان يكون معاك
يخدك من أيدك ..
يحقق معاك الأحلام .. عيش
عيش .. أحلامك أفرح بيها وعيش
خلى قلبك يدق ليها متخبيش
كون .. أنت أيوه كون
ضحكه للقلوب هتلاقى ليك
الوشوش فيها ليك بشاشه
يتدوب ليك الغيوم
كون .. أنت أيوه كون
أيد تطبطب على الجروح
وتمسح دمع العيون
هتلاقى أحلامك فرحه
بتنور فى كل العيون
عيش .. أحلامك أفرح بيها وعيش
خلى قلبك يدق ليها متخبيش
دى هى أيامك خليها قدامك متخليش
الناس وأحزانك ليها يضيعوها ... عيش
.......................
ليست هناك تعليقات:
إرسال تعليق