(يا ريتِك ) :
يا ريتِك شمسي في نهاري
تدفي فرشتي ف داري
ولو تهت ف هوى ليلي
تسامحي وتمحي اوزاري
يا ريتِك قمري في سمايا
وتبقي شعاع ماله نهايه
بنورك يهتدي دربي
معاكي تبتدي حكايه
حكايه نعيش لياليها
ونمشيها بخطاويها
ولو لعبت بينا الايام
بحب كبير نعديها
ياريتِك تبقي جوايه
تحسي بفرحي واسايا
وآه لو تلمسي قلبي
يعود لي فرحي وهنايا
يا ريتِك نجمة في مداري
وتقري كل افكاري
ساعتها حتعرفي حبي
وإنك وحي اشعاري
يا ريتني آه وآه يا ريتك
واكون طوبه ف جدار بيتك
ولو هاسرح مع الأحلام
أكون زرعايه من غيطك
ولو هاسرح مع الأحلام
أكون زرعايه من غيطك
بقلمي الشاعر جمال زكي عينر
ليست هناك تعليقات:
إرسال تعليق