( وخدني الشوق ) خواطر ( أشرف الدغيدي )

 ( وخدني الشوق )

وخدني الشوق والغرام لحبيبتي اللي اتمنيتها

اول ماشوفت عينيها خدني الحنين ليها وحبيتها

وزاد عذابي وسهر الليالي وانشغل بيها بالي

واتمنيتها نصيبي وتناديني حبيبي وما يطول في لقاها انتظاري

وبعتلها ابتسامه ونظرة شوق مراسيل

فيها التمني والأماني واللهفه والشوق والحنين

وردت بابتسامه فيها أمل يداوي القلب العليل

ونظره من عيون ماشوفت في جمالها وسحرها في الكون مثيل

ولقيت عيونها بتتكلم وبتسأل عيوني كنتي غايبه عني فين

عيون فيهم حب وحنان كنت بتمناه وبحلم بيه من سنين

ولقيت نفسي بأقرب منها واجري عليها وبالأحضان باناديها

ودموع الفرحه في عنيا وأيدي بتحضن ايديها وتسلم عليها

وبعنينا شايفين اللي حوالينا فرحانين بينا وبفرحة لُقانا

ودقات قلوبنا بتغني فرحانه بهوانا

واتعاهدنا علي الحب والحنيه العمر كله

وكل ليالينا عشق وغرام وما نشبع منه

خواطر ( أشرف الدغيدي )

حقوق الملكيه محفوظه

عرض الرؤى

معدل وصول المنشور: ٢١

٢محمد عزت وAshraf Eldghedy

تعليقان

أعجبني

تعليق