( عيشة أهلك ) م/عبالحميد سالم
بيقولوا عيش عيشة أهلك
قلت يا ريت بس فين هيا
تعالى يا ماضى على مهلك
وشوف إيه جرى ليا
كانت البساطة طبع الكل
والعيلة بتجمعها طبلية
النهاردة القلوب ملاها الغل
والطيب فيها ملوش دية
كان زمان عيلتنا ليها كبير
وكلمته سيف على رقابنا
يحكم بالحق لو للغير
ولو رفضنا بعكازه يضربنا
دلوقتى كبيرنا بقى بركة
ونجوم الكورة والتمثيل
بقوا هما القدوة لشبابنا
ليست هناك تعليقات:
إرسال تعليق