: ( مش مبسوط ) بقلمي الشاعر جمال زكي عينر

 ( مش مبسوط ) :

انا مخنوق انا مش مبسوط

حاسس إني بجد بموت

ليه الدنيا ضاقت في عينيه ؟

زي ما اكون عايش في تابوت

كنت زمان عايش متهني

كانت الضحكة قُرَّيِبة مني

ليه دلوقتي عذاب في عذاب ؟

ليه على أملي أعيش مستني ؟

كنت أما القى دموع في عينيه

القى حبايبي كتير حواليا

ليه دلوقتي ما بلقاش حد ؟

مرة يفكر يسال فيا

ارحمي ضعفي يا دنيا وحني

دايما ليه بتخيبي ظني ؟

بفتح ليكي ايديا يا دنيا

وانتي يا قاسية بتهربي مني

إمتى يا دنيا تزورني الفرحة ؟

امتى تفوتني أيامي الجارحة

نفسي الاقيكي يا دنيا ف كوشة

زي عروسة ولابسة الطرحة

قطر العمر اهو عدى وفات

زي ما بصبح زي ما ابات

أهي أيام وسنين بتعدي

وبكره تقولوا الراجل مات

أهي أيام وسنين بتعدي

وبكره تقولوا الراجل مات

بقلمي الشاعر جمال زكي عينر

عرض الرؤى

معدل وصول المنشور: ٣١

٢٢

تعليق واحد

أعجبني

تعليق