مين يتحمل
كلمات حموده دهمان
مين يتحمل
ناس تافهين
ان قولت قولك يقولوا
عيب دا مش لونك
وان نجحت يقولوا دا عيبك
نجاحك دا هش وهزيل
مين يتحمل
ناس تحرم عليك فرحك
وتفرح في يوم جرحك
وعايزينك قدام عنيهم
دايما محتاج حزين
مين يتحمل
لوم اللايمين
في كل خطوه تلاقيهم
سانين لسانهم
وبيبخوا سموهم
زي التعابين
ومين يتحمل
مكر التعالب الخاينين
دا لولا محنا ليهم فاهمين
كنا سيبنا سكتنا
من سنين وسنين
ومين يتحمل
قسوة قلوب
المقهورين
كلامهم رصاص نافذ
في الصدر مابيحافظ
على عيش ولاملح
كان بينا وعليه متربين
ومين يتحمل
كيد الكايدين
ان قولت اه يقولوا بيمثل
وان ضحكت يقولوا دا اتجنن
وان سكت تبقا بتخطط
وياترى الدور على مين
ومين يتحمل
غلط المغرورين
اللي مش شايفين
قلوبهم عماها رب العالمين
فاكرين نفسهم فاهمين
وهم في الجهل موحلين
ومين يتحمل
اللي بيضحكلك ومن جواه
عايز يشيلك طين
اللي بيصاحبك
لما يكون محتاجلك
ويسيبك في اقرب كمين
ومين يتحمل
اللي منك لما يذمك
في غيابك
وفي حضورك يضربلك سلام
ويقولك امين
ومين يتحمل
اللي كنت مستنيه يفرحلك
اول من جري وجرحك
وعلى عيبك فضل يضحك
وكلوا في الهزار
بقا تين
ومين يتحمل
غضبك لو نفذ صبرك
وخليت الشر هدفك
ووطيت شيلتهم
قدام العالمين
يارب صبرنا
وانصرنا
واجعلنا
من الصابرين
امين
امين
ليست هناك تعليقات:
إرسال تعليق