( حبيبتي وعمري ) :
حبيبتي وعمري ف ثانيه مشيتي
سيبتيني وحدى وإتخليتي
ليه استعجلتي حبيبة قلبي ؟
ما بقاش حد حبيبي ف بيتي
عيشتي ف بُعدِك صعبة عليا
عايش وحدى ودمع عينيا
آه لو تعرفي حرقة قلبي
وليلي ازاي بيعدي عليا؟
ليلي طويل ونهاري مرار
فكري ف نار ودليلي احتار
ليه بتعيشي وحدِك في الجنة ؟
وانا سايباني اعيش في النار
ما جاش على بالي إني افارقك
كنت حاسبها إني حاسابقك
لكن مش بايديا الحسبة
ده حساب رب خلقني وخلقك
إستَكترِتِي يا دنيا عليا
إني اعيش في سعادة شويه
يا ريتني ما جيت ولا كان لي وجود
وكنت بقيت نسياً منسيه
إلهي ياربي يارب الكون
ياللي مشيئتك كن فيكون
هَوِّن باقي العمر عليا
دايماً لِيَّا تكون في العون
هَوِّن باقي العمر عليا
دايماً لِيَّا تكون في العون
جمال زكي عينر
ليست هناك تعليقات:
إرسال تعليق