((((((((( على فكره )))) بقلم الشاعر الغنائى محمد البريمى

 شعر غنائى ..

((( على فكره )))

على فكره يا حبيبى ..

مش هأفضل على طول كده ..

أقولك يا حبيبى .. أنا بختى معاك كده ..

حبيتك و خدعتنى .. داويتك و جرحتنى ..

إشتريتك و بعتنى .. كفايه لحد كده ..

على فكره ..

هو أنا لعبه ف إيديك .. عشان تلعب بيا ..

توعدنى بحاجات .. و ترجع تعند فيا ..

أنا صبرت عليك كتير .. م لقيتش منك خير ..

على طول تخلف مواعيدك .. و الأمر مش بإيديا ..

على فكره ..

أسهر و أتألم .. ولا بأشكى من حالى ..

و إنت على طول .. ناسينى يا غالى ..

و كل ده علشانك .. و إنت ولا على بالك ..

تسأل مره عليا .. لو بطيف خيالك ..

على فكره ..

ضيعت عمرى و شبابى .. و كان إيه التمن ..

ألف و أرجع تانى .. لغدر الزمن ..

إدتنى ليه الأمل .. ونا كنت نسيت الملل ..

و قربت أنسى المواجع .. وقلت إنت الطبيب و إنت السكن ..

على فكره

بقلم الشاعر الغنائى ..

محمد البريمى ..

عرض الرؤى

معدل وصول المنشور: ٢٨

٢فهدالصحراء الجرئ وشخص آخر

تعليقان

أعجبني

تعليق