((( سؤال وجواب ))) بقلم الشاعر الغنائى محمد البريمى

 شعر غنائى ..

((( سؤال و جواب )))

كل ساعه سؤال و جواب .. قلنا عنوان حبيبتك فين ..

قلت الإقامه هنا ف القلب .. أما السكن الروح و العين ..

طاب سؤال تانى من فضلك .. إيه خلاك على طول حبيتها ..

عشان جمالها ولا أدابها .. أنا قلت لا طبعآ الإتنين ..

كل ساعه سؤال

دى حبيبتى رقيقه ف كلامها .. لما بتضحك بتبان سنتها ..

و كمان جميله بكل المعانى .. ورده و ليها ريحتها ..

بتنور ف كل مكان .. قلبها بالخير مليان ..

إبتسامتها بترد الروح .. ونا بأدوب ف حنينها ..

كل ساعه سؤال

طاب سؤال تانى و أخير .. إوصفلنا صورة الملامح ..

طيبه و سماح فوق الفوق .. و الورد على الخدود سايح ..

لو بصيت ف عينها تتوه .. من جمال الرمش ياهوه ..

أما الشفايف تجرى الريق .. و تعطش الجوارح ..

كل ساعه سؤال

بقلم الشاعر الغنائى ..

محمد البريمى ..

عرض الرؤى

معدل وصول المنشور: ٢٣

٣محمد عزت وشخصان آخران

تعليقان

أعجبني

تعليق