وجع ....... دماغ **** بقلم عادل جاد

 وجع .... دماغ

****

دوشة ووجع دماغ

من أشتري يابلد من الا باع

الكل فيكي يابلد طماع

القلب بحبك يابلد كله فراغ

لأمتي هنبقا ع السلطة بصراع

الحق فيكي يابلد ضاع

الظلم فيكي يابلد راع

طمع ناسك عامليك صداع

على حضارتك مش بيخاف

ده واقع حقيقى وشفاف

على نهضتك موش ملهوف

من حاله والله مش مكسوف

فرقتنا عادت صفوف وصفوف

الأمل ببكرة من صدرنا مخطوف

امتي بقا يبص بيكى لأودام

الماضى باعك محدش أشترى

دايما بيبص بيكى ل ورا

الحاضر زى اللى راح

الواقع كل آسى وجراح

محدش تحت سماك مرتاح

ماتيجوا ننسى اللى كان

ونزرع ببلدنا الأمان

نخلى الحب والوحدة سكان

دى موش فوضة هية

دا بلدنا مش شوية

ليه نعامليها يآسية

ماتت بقلوبنا الحنية

أخرنا نغنى لها أغنية

باحلم أشوفك ف العالى

محدش عليكى متعالى

دا أنت واخدة فكرى وبالى

أفديكى بدمى ولا أبالى

نفسى تتحقق فيكى آمالى

دا أنتى أبويا وعمى وخالى

ليه دم ناسك م الوفا خالى

*****

بقلم

عادل جاد

٣٣

مشاركتان

أعجبني

تعليق

مشاركة