ياعمري عبدالله رجب ابو عدنان

 يا عمري.

عبدالله رجب ابوعدنان

ببص ف عنيك و اشوف نفسي

حياتي وعمري وقلبي

ومهما الايام تلعبي

بتنفس هواك

إنت حتة مني

شايلك ف العين و النني

لو زعلتك يوم غصب عني

حياتي وانا معاك

إنت الغالي عليا

بدوب شوق و حنية

ولما ايدك تيجي ف اديا

والفرحة تكمل بلقاك

ما ارتاح الا على حجرك

وانسى الكون وانا جمبك

لو قلت لسة بحبك

وف كل لحظة بستناك

رغم الغيبة الطويلة

بشوف ف عنيك الكحيلة

الليله ف حبك بألف ليلة

ازاي اقدر انساك

انا ليك وانت ليا

اتملى ف نور عنيا

حبي مش حاجه عاديه

لأنك يا روحي ملاك

عمري وعمري قبلك مش محسوب

نظرة واحدة والخلاف يدوب

لفيت على كل الدروب

وانت نجم عالي ف سماك

الكون بيك ابتدا

الراحة عندك والرضا

بحبك لأبعد مدى

وعيوني شايفاك

إنت غير كل الأسامي

يا كل عشقي وغرامي

حتى وانا ف منامي

كل ما فيا بيرتجاك

حبي وحبك ف الكتاب

نزعل و برضه أحباب

أهلي وناسي وكل الصحاب

وبنبض قلبي شارياك

ببص ف عنيك وارتاح

رغم الألم و الجراح

وانت ف حضني تزيد الافراح

وغيابك ولو ثانيه

بالنسبة لي يعني هلاك

يا عمري..

عبدالله رجب ابوعدنان

١٢١٢

١٣ تعليقًا

١٧ مشاركة

أعجبني

تعليق

مشاركة