وينك يادار ......................... الشاعر علي الحسين الفلسطيني

 وينك يا دار

-----------

وينك يا دار ما زلتي اطلال

وين الحبايب غابوا يا دار

اه من العمر يا عمر العمر

الدنيا غداره ما بين الاوطان

وينك يا دار ما زلتي اطلال

غابوا عن العين ما دري وين

وين احبابي قولي يا دار

راحوا بعيد بالقلب تنهيد

والجرح عميق بفراقهم يا دار

وينك يا دار مازلتي اطلال

يا شجرة الليمون اثمارك بتمون

حامض بالعيون وين الختيار

وين الاهل وين لحباب

وين الحبيبه تنتظر عالباب

دموع الحب غرام وعتاب

جفت بالمقل ع اعتابك يا دار

وينك يا دار ما زلتي اطلال

سمعت صوت ما بين الركام

يا خي يا خي صرنا تحت لحجار

خيي وبيي امي واخواتي

دمروا الضيعه فوقنا تراب

ليلى الاميره يا خي غابت

اسيره ياخي بين لغراب

جرح العميق والكل بالضيق

اسال عن الحب تحكيلك الدار

وينك يا دار ما زلتي اطلال

---------------------------

الشاعر علي الحسين

الفلسطيني

عرض الرؤى

معدل وصول المنشور: ٠

١١