عم حسين بقلم : د\ نجوى رسلان

 عَمْ حِسين

عَمْ حِسين دَقَّ الباَب

عَمْ حِسين راجل حَبّاب

ايدُه بِترعش وشُه مِكَرمِش

حُزنه مِلَغوش ضِحكُه سَراب

عُمره بِيشقَى كِده ويساعد

شَايِل شِيلتُه وضَهرُه يِنَدِّي

عُمره بِيِفدِي بِرُوحه يسانِد

سَعدُه يِضَحِي ويُومه يِعدِّي

كِبروا ولادُه ماشاء الله

اللِّي مُهندس واللّي طبيب

زرِعت يَدُه وقلبُه معاه

اللّي مُحامي مِيزانه يِطيب

والله مُبارك ما إنتَ ياعمي

ياما تِعبت وياما شِقيت

رافع راسنَا كِده وتَملّي

لِينا السّندة وضَمّة في بيت

صَرخِت دَمعة جُوه عُيونه

طِلعت وجعت قَلبي بصوتها

بَص في عِيني وقَال بهمومه

فِين البذرة وفِين سُقْيتها

وقتِي قَضيتُه أجِري وأعَافِر

عُمري ما كُنت فِي يُوم بَخلان

لَجل وِلادي لِنومى مِهَاجر

وسِنين ياما كِده شَقيان

لَكن الصِّحة في لحظة سابتني

صُوت الباب ليَّ جفاني

كَسْر الخَاطر شَهقة واسِتنِي

لا صِراخ عَيّل يِِملى وِدانِي

كِده يِنسوني وعُمري فَنيتُه

وأنا مَبسوُط

لَجل صُغيَّر يِِكبر يِعلَى

وعُمري يفُوت

بِيَّ ولادي جُدورهم تِقوى

شوق بيموت

إوعى يا ولدي تِرمي جُدورك

إوعَاك تِنسى زَرعتي فِيكْ

يُوم ورا يُوم قلبي يِصُونك

دعوة في طَي الليل تِحميك

قُلت يا بَابي زِبدة وسَاحُوا

كَسرِت ضَهري ويَّاالشيبة

ولاَّ خَلاص كِبروا وراحُوا؟

أصرُخ وأبكي مِن دِي العِيبة

دُق يا باب الخِير والطِيبة

دق يا باب عم حسين

طبطب قلبُه وَلَو لِيومين

طبطب قلبه ولو ليومين

بقلمي د/نجوى رسلان

#نجوايا

بقلم : د/ نجوى رسلان

#نجوايا

٤٧عطا علي الشيخ و٤٦ شخصًا آخر

٤٠ تعليقًا

٥٥ مشاركة

أعجبني

تعليق

مشاركة