في الميزان الهاشمي البلعزي

 في الميــــــزان

هذا الطول

و هذا العرض

و هذي أيام التشريح

هذي السنة و هذا الفرض

حطا في الميزان

يطيح

طالب عدل

على ها الأرض

و الغادر دواه

التلويح

طبطب ... طبطب

في ها الغرض

عطا لولدا كل شيء مليح

قراه لبرا بالقرض

طلع ولدا

كي بوه قبيح

هذا الطول

و هذا العرض

و هذي أيام التشريح

مدير و سيارة و أرض

فلوس تمشي في مهب الريح

رجعشي من هاك القرض

المليار يبنبي و يطيح

برشا عفن و برشا مرض

مالقلبة عامل تلقيح

هذي السنة و هذا الفرض

تحطا في الميزان يطيح

كي نفسر تو يطول الشرح

خايف عالسدة لا تميح

راكب على فرس بلا سرج

من بكري غرسوها شيح

نحسابو مشكينا الطرح

دخل لَصْ يلفلف و يصيح

هذا الطول و هذا العرض

و هذي أيام التشريح

مشايخ هجموا علاك الفرح

مالهبرة يلوح تلويح

جيعان و كان عندا قرح

عباها و دورها شطيح

ليوم راكم غرقتوا الجرح

أحرق و إنسفهم للريح

هذي السنة و هذا الفرض

تحطا في الميزان يطيح

كي جبدنا الدوسي للعرض

أورام معبيها القيح

سبحانو يفرز مالفرث

لبن صافي سايغ و مليح

الحق باين تو دام الفرح

برا ما عيني في نطيح

الهاشمي البلعزي

في

29/10/2021

عرض الرؤى

معدل وصول المنشور: ١٥

١١

تعليقان

أعجبني

تعليق