ـــــــــــ فاتت سنينك ــــــــــــــــــــــــ بقلمي صلاح الفيداوي

 ==== فاتت سنينك ====

عمرك ماشي

والسنين عدت أوام

بأفراحك بأحزانك

بس قول لي

دفعت فيهم كام

كل شئ ليه تمن

الفرح ليه تمن

والحزن ليه تمن

مش عارف تجاوب

روح واسأل الزمن

قوله ......

أخدت من عمري كام

اخدت مني صحتي

ادتني كام ألم

كام ندم

مشوار العمر

قطار وماشي

لايعرف يوم عيد

ولافيه اي جديد

ماشي ف سكتك

النهار ده زي امبارح

وبكره زي اليوم

شايل هموم وهموم

وفي نفس الطريق بتعيد

ياراحة انتي فين

تقول وتعيد لمين

ما الكل في خط سيرة

ناسي آلام غيره

مش فاكر غير آلامه

مدفونه أحلامه

ف محطه بعيد أكيد

ولا حلم بيتحقق

وأنا مابصدق

اشوف بصيص أمل

وافرح وأكون سعيد

واعيد مشواري

ويكون طريق جديد

يتحقق فيه اماني

قبل مايفوت الزمن

وندفع التمن

بقلمي

صلاح الفيداوي

القاهرة

10/10/2021

١٠صلاح الفيداوي و٩ أشخاص آخرين

١٢ تعليقًا

٥٩ مشاركة

أعجبني

تعليق

مشاركة