( خيوط متشبكه ) ابو رامى الاسواني

( خيوط متشبكه )

شرود العقل منى

شيئ أصلاً مش بسيط

وأعظم جرح مستخبى

جوه منى فى شيئ عبيط

اسمه التمنى

ويطلع منى ألف لون

يرسم خيوط متشبكه

وكان ف ظنى

تعيش عيونى بدون دموع

لجل اقيد فى يوم شموع

تنور ليالى مظلمه

كل مره اشوف حكايتى

افتكر منها اللى فات

من ذكريات

ولما تنهار كل الظروف

ولما يبقى جوايا خوف

وإحساس ندم من عدم

ورغم أنه يبان عليا

انى مليان بالامل

وده غير صحيح

اكمنى بس بكون صريح

وكلمتى دايماً ألف

من حد زيى مختلف

فلما تيجى ف حلمى يوم

يبقى حلمى كله لوم

حنينى للأيام وضوح

ونفسى ابوح

بكلام يبان انه خفيف

ولكنه ف الاصل مليان بالجروح

ابو رامى الاسواني

2/10/2021

عرض الرؤى

معدل وصول المنشور: ٤٢

٤محمد علي فرغلي احمد، المطرب ابراهيم سعد وشخصان آخران

٨ تعليقات

أعجبني

تعليق