والله صدفه
والله صدفه
ماشي و الفكر مشدوه
ياخذنين ويردني
واني بحسباتي اتعثر
صوت طفله عمي خذني
فززتني من شرودي
وشبكت اديه بديه
عمو تيهت الدرب
عمي ضيعوني هلي
حسيت بكليبي نبض
جن جرح لسنين نفتح
هلا يا بنيتي تعالي
لا تخافي
انا منك ما اخاف
شيبتك حلوه ومهابه جني اعرفك
وحملتها وجني ما شايل حمل
جدو جدو ذاك اخوي وذيج امي
تراكضوا جوي بعجل
وبغضب نظروا عليه
يما جدو شالني عله جتفه
كتله ضيعوني هلي
شالني يدور عليكم
طفت نار البعيونهم
والفرح غير رسومهم
نعتذر كون تقبل العذر
بأس ايدي... أستغفرت
كتله يبني هذا واجب
خذني من ايدي وحلف
انته ضيف عندي بهل المسيه
ما ادري ليش استسلمت
وقبلت
وعبرت عتبت الباب
احس بكليبي يرتجف
كال جده
تريد هي تشكرك
يبني طفله وتايها
وبي نتخت
السلام عليكم
اكسرت عيني ودنجت
وكبل ما رد السلام
الصينيه والبيه اتناثرة
شلت راسي وصحت فدوه
الشر راح وغده
ومن شفت رسومها
بمكاني جمدت
صاحوا
يمه شجاج شبيج
تعبانه انتي
لا يولدي روح
إكرام الضيوف واجب
طولت بوجهي النظر
سولفلي عنك
كلت من شفتها بي فز الجرح
انت رحتي واني ضيعني طريقي
ستاذنت وهميت بالخروج
صاحت لحظه
وجمعت البلبت كلهم
سلموا وقدمولي شكرهم
هذا عمكم مو غريب
هذا ويانه كبر
بس راح لبعيد وهجر
والسنين ضيعت عنه الطريق
مو غريب الصار اليوم
الغريب ترده السنين
حلفت تعاود علينه
هذا سكنه الجديد
اني مو بعيد عنكَم
هنا شمرة عصا
ووصفت
كالوا يا عمي وصلت
ودعوني جني اني بحلم
والله صدفه
الحي بالحي يلتكي
لا عتاب.. بس بعيونه شفت الفرح
تيقنت ان جرحي برا
وضحكت عيونه ضوى
احس بدكات كلبها تندعيلي
واني واحك الله اندعيت..... وعد العاني...
ليست هناك تعليقات:
إرسال تعليق