......... ( القمح ف الطواحين ) بقلم \ السيد حسن السيد

 قصيدة.

---------(القمح ف الطواحين)

_______________"

إن أذن الديك فوق الجدار!

ضرورى راح يطلع نهار!!

أصل القلب زى الليل.

مليان من الاحزان أسرار....

وكتر العناد عذاب ومرار....

وادام ماهي كده كده ماشيه،

ليه بنحزن وليه بنحتار؟؟!!

بندبل ونموت و..العمر بيفوت..

والعود من القهر بتدوب فيه الأوتار!!!!

ومن كتر الأسي إتعودنا نقول أقدار....

دا انا موجوع ومن الأه..مصروع..

بصرخ بدون صوت وما بيرحم غير الجبار....

حيفيد بإيه الصوت و..انت شايف الموت؟!

دا من المكتوب مافيش هروب و..لا فرار؟؟!!

الناس ودن من طين و..ودن من عجين!!

أصلهم فى العسل نايمين..فاكرين....

الدنيا ديمالهم..لما بقى حالهم..

زى القمح ف الطواحين!!

لأمته حنفضل كده تابهين؟!

دا نفسنا نعيش ف الحياة يومين!!

يا عالم دا العمر مرة واحدة،

مابيجيش أبدأ فى حياتنا مرتين!!

طب منين نجيب الفرح..من فين؟؟

واحنا إيدينا ورجلينا متكتفين!!

لا دى ضحكة ولا دى بسمة.

دى قلوب فى كل شئ متقاسمة!!

حتى ف الموت وف الأحزان،

قول ياقلم كمان و..كمان..

خلى الوجع يظهر يبان...

يمكن يحس عديم الأحساس،

إن أنا مخلوق حر أنسان....

ليا قلب بيحس وبيحب يعيش،،

مانيش جماد ولا من غير روح ولا حيوان.....

بقلم/السيد حسن السيد.

2/10/2021

عرض الرؤى

معدل وصول المنشور: ٢٥

٣فاتن فوزي، شحاته على ابو درب وشخص آخر

٦ تعليقات

أعجبني

تعليق