حكاية حرامى
------------
هنحكى النهاردة حكاية حرامي
بيسرق وينهب وعامل عصامى
وتاجر لخردة فيها ازازة شاردة
وكل الازايز فى ثلاجة باردة
ازازة معطر مخمر مقطر
وخطط وسطر هوا والامامى
وخرجت وراحت لابو المعاطى
وسافرت وساحت والباشا راضى
ما هو ليه فيها بدون ما يعطر
وحماده وايمن اللى اتعكوا فيها
وحوده اللى باشا ولم القشاشة
وبره الادارة بيده رميها
لا هى فيها شفرة ولا لف بفرة
تفكر بعقلك هتعرف ما فيها
حكاية حرامى بيسرق وينهب
وعامل عصامى
وان كانت ثقيلة يا عم يا حيلة
هشيل الفتيلة واقول الاسامى
بقلم محمد البلاط
ليست هناك تعليقات:
إرسال تعليق