بشعر العامية المصرية .
( اكسر شوكة الدنيا )
---------------------------
جمال الورد خلاني
أشوف الدنيا من تاني
ولو يبعد وينساني
مش هاقدر أقوله آه ياني
تعبت كتير عشان ألقاه
ومش هاسمح يضيع تاني
دا نور الفجر حلاه
وخلى جماله رباني
حبيبي راح مصلاه
يصلي ويدعي لاخواني
وعمر ابليس ما أغواه
ولا وسواسه أغواني
أشوف الحب ف عنيه
يروح الهم ينساني
و الاقي الكل حواليه
بيطلب دعوه مجاني
يا حافظ آيه ف كتابه
دا ربك غضبه خلاني
أخاف من بطشه وعذابه
واعيش الدنيا حلواني
تعالى وخلي أحبابك
تزور الكعبه بأماني
وتعمل عمره لحسابك
وبكره تردها تاني
يا سامع صرخة المظلوم
يا سامع طفل بيعاني
أمانه تفرحه وتدوم
الضحكه ف وشه من تاني
أشوف المرضى أدعيلهم
وأحمد رب نجاني
أتمنى على راسي أشيلهم
دا رب العرش وصاني
قلبي كبير دايما يرحم
ورحمة ربي سابقاني
وعمري ف يوم ما راح اندم
على خير راح لشراني
الدنيا في الآخر لعبه
سهر .. حفلات وأغاني
والعيشه للفسدان صعبه
من شره طهرت مكاني
أمد للعاصي إيديا
زي ما ربي وصاني
وأفرح نفسي والدنيا
لأني هديته في ثواني
-------------
بقلم د / عبد الرحمن فتحي الحناوي .
من مصر .
الأحد ٢٤ من أكتوبر ( تشرين الأول ) سنة ٢٠٢١.
ليست هناك تعليقات:
إرسال تعليق