قلبي بيبكي
قلبي حزين وبيبكي
ومن حاله بيشكي
مالك ياقلبي بتبكي
اوعي تقولي زعلان وحزين
هسمعك قول واحكي
ومتقولش هبدأ منين
عايزاك تفرح وتبقي سعيد
حتي لو انت في قفص حديد
هتقولي ازاي افرح
وانا ببكي في كل مطرح
عارفه انك في اعز الناس اتصدمت
ومن جواك يا حبيبي اهدمت
كنت فاكرهم حبايبك
ولا طلعوا حتي ارايبك
هتقوللي حبيت ناس ميستهلوش
نسيت انك في زمن الوحوش
زمن الناس اللي ميختشوش
يطعنوا في الظهر ويضحكوا في الوشوش
متندمش يا قلبي علي الطيب
الفرج ان شاء الله قريب
هتقوللي اعز ما ليا
طفوا فرحة قلبي فيا
مانا برضوا عملوا كده فيا
بس اعمل ايه ياقلبي
دول برضو لسه حبايبي
طفو الفرحه في قلبي
ماصدق الحزن عليا يجري
بتقول الاه والاه دبحتك ياقلبي
وبرسم علي وشي الافراح
وقلبي كله مليان جراح
ببتسم وانا قلبي حزين
مين يعرف كده مين
هعتب عليك يازمان
والا هعتب علي اللي كان
و الا هقول خلاص فات الاوان
اعتب علي اللي حبتهم وجرحوني
والا اعتب علي اللي لاموني
عجب العجيب يا زمان
خالتني علي كل شيء ندمان
لسه فاضل ايه كمان
معرفش ايه مخبياه ليا الايام
ابعدي عن قلبي يااحزان
مكفكيش طول الزمان
مش عايزه تاني قلبي يبكي
ومن حاله تاني يشكي
كلمات
يلدز البربري
ليست هناك تعليقات:
إرسال تعليق