: ( فاكره ؟) جمال زكي عينر

 ( فاكره ؟ ) :

فاكرة لما انتي كنتي ؟

فاكراني لما كنت ؟

شطي كنتي ومينتي

وف سحر عينيكي دوبت

فاكره اما كنت أعدي ؟

ع البيت وإنتي هناك

وف كل خطوه اهدي

وتشاوري م الشباك

وعنيه تيجي ف عنيكي

قلبي ملهوف عليكي

وعوازلي يقولوا ماله ؟

طب ايه شقلبله حاله ؟

مش عارفين إنك إنتي

شاغله عقلي وبالي

فاكره يا غايبه عني ؟

يا ساكنه العين والنني

من يوم ما رحلتي عني

إحتار فكري وخيالي

أنا عارف إنك إنتي

رايحه ومش جايه تاني

وسفينتك غير سفينتي

ضاعت مني الأماني

شطك أمن وأمان

في حماية الرحمن

يارب إلحقني بيها

في جنة الرضوان

يارب إلحقني بيها

في جنة الرضوان

جمال زكي عينر

عرض الرؤى

معدل وصول المنشور: ٤٨

٢أم ياسمين وخالد حداد

٥ تعليقات

أعجبني

تعليق