شكة ديوس عبد الله رجب ابو عدنان

 شكة دبوس.

عبدالله رجب ابوعدنان

الحب زي شكة دبوس

ممكن يكون فرح

وممكن يكون كابوس

يعيش عمر

حلاوة وسكر

أو طعمه مر

وساعات منحوس

خناقات و جرح

وزعيق ع الصبح

مش بس شطة وملح

إنما كل حاجه فيها فلوس

إحنا اللي حولناة ل كيوبيد

وعملناة عيد سعيد

الحب يا ساده يوم جديد

مش طالل علينا ومدسوس

نظرة ف عيون حبيبي

ضحكه ع الشفايف

هوا الوحيد اللي داريبي

ويطمني وانا خايف

يفرح قلبي ويحضني

يعذبني يجنني يلاوعني

يواعدني يتعبني يعصاني ويطاوعني

يدلعني حاجه كده غريبة

تشك القلب ومش محسوس

ولما نفرح بنونو صغير

ومهما نكبر العمر قصير

ساعات حبيبي يبقى واضح

يقول أحلى كلام

وساعات يبقى جارح

اقوم مفزوع ما انام

بجد حاجه تحير

لكن حلو الحب حتى لو بقيت ممسوس

اللي جربو يعرف معنى كلامي

اجيبه مسلسل قدامي

وافتكر خلاص اتملكت فيه

يفك السلاسل

ويصير زلازل

ومهما اجادل

يتمكن من قلبي و يسيطر عليه

حتى قلبي يضعف

ويخالف الوعد

ومفيش حاجه توصف

حالة الصد و الرد

اتاري القلب والعين

وكل الجوارح للحب جاسوس

ويعدي الحب ف الدم

رغم الحزن و الهم

زي شكة دبوس..

شكة دبوس...

الشاعر عبدالله رجب ابوعدنان

٩٩

١٧ تعليقًا

١٤ مشاركة

أعجبني

تعليق

مشاركة