.. حكاية خيال .................. ايمن بلال

 .. حكاية خيال ...

وضحكاية ودي حكاية

وانا وإنتي فيها إتنين

وده ندا هوايا وبداية

حب لفين مش عارفين

ياساكنة حكايتي وأحلامي

ياساكنة سنيني وأيامي

انا جايلك والحلم بيكي

جايب سنيني تعيش ليكي

وجاي قلبي هواه يناديكي

تعالي نعيش هوانا سنين

من بدري راسم صورتك

وقبل ما اشوفك انا عارفك

كتير في خيالي قابلتك

ولا كنت أعرف طريقك فين

تنزل ستاير ليلي ألقاكي

ويهل قمري ف سما هواكي

واتوه وتوهتي دي لعينيكي

وأعيشك شوق ويا حنين

ياحكاية صعب الهوي يوصفها

حبيب حبيبته لسة ما شافها

سنين وياها ف الهوي عاشها

ولا يوم عرف تكوني مين

صوره وإترسمت جوا عيوني

عاشها خيالي وعشتها بجنوني

لا يوم سألت مين إنتي وايه تكوني

ولا سألت ليه واخدني ليكي حنين

هي الحكاية حلم فيه شفتك

واصل الحكاية حلم فيه قابلتك

وكل الحكاية احلام فيها عشتك

ياساكنة خيالي ليكي سنين

ايمن بلال

عرض الرؤى

معدل وصول المنشور: ١٧

٤أم ياسمين، محمد علي فرغلي احمد وشخصان آخران

٨ تعليقات

أعجبني

تعليق