بدون ذكرى (365) .................... بقلم صبري رسلان

 بدون ذكرى (365)

................

ونهايتي أيه يا غربتي

مش برضه موت

ولا هتأخدي بالشقى

تسبيني أفوت ..

محروم حنان

تاه منه ليله

في صيف برود

والوحده لو تحكي الألم

هتقولوا عود ..

عايش يلملم في الوجع

جوا الضلوع ..

والضحكه ليه توبها رسم

في خيوط دموع ..

والليل طويل حكاويه

نهايه لروح فيه صوت

وسلام وبكره نلتقي

ودموعنا سوط

حلمه القصير لا أكتمل

ولا شاف فيه بكره

والأه بتوصف قد أيه

محرم لا ذكرى

خايف لعمره ينتهي

ولا ييجي بكره ..

ويتنوا عايش ضيف غريب حاسس ليه نكره

لا ضل شجره وغصنها

وثماره ما طابت ..

والأرض صالحه لكنها

في بعاده بارت ..

جاي النهارده تفتكر

لياليك ليه دابت ..

ما العمر جواك إنتهى

والفرحة غابت ..

والشمس طله مروحه

ولا ذكرى سابت

بقلم .. صبري رسلان

عرض الرؤى

معدل وصول المنشور: ٢٥

٢فاتن فوزي وشخص آخر

٥ تعليقات

أعجبني

تعليق