مش قادر انسى لكم ((( أسامه جديانه )))))

 مش قادر انسى لكم

لحظة ما بعتوني

كانت فارقه فى حياتي

شكيت فى ظنوني

قلت لا مش حقيقه

مش ممكن يبيعوني

دا انا عندهم غالي

وأفديهم بعيوني

كل الوشوش بانت

صدقتي ياظنوني

***

الكل شاهر سيفه

ومسلط ديابه

لو كلمه مني أتقتل

والكل قفل بابه

حسيت فى عقلي بخلل

مافى حد يقتل احبابه

سنام السهم حاد

راح تقطع رقابي

أنا منكم وانتو مني

جرى أيه ياأحبابي

ياما شيلتكم فى قلبي

ليه ترضوا بعذابي

نصبوا حبال المشانق

كل الدياب جاهزين

وقت الدبيحه ما تنزل

على طول تقوموا واكلين

وأنا بينك بردو تايه

عيوني دول كدابين

والقلب صابوا الوهن

دول طلعوا خداعين

باعوك بأرخص تمن

ما فى ليك مشتريين

أبكي من غير دموع

خساره دمعة عين

(((أسامه جديانه)))

عرض الرؤى

معدل وصول المنشور: ٢٠

٣شحاته على ابو درب، محمد علي فرغلي احمد وشخص آخر

٣ تعليقات

أعجبني

تعليق