يا دنيا ليه ظلمك طال
في الكون زي النار
عايش غريب في الدار
نهاري ليل وحياتي دمار
ماشي ولا كأني عايش
يتيم في الدنيا لكن
حقي راح والكل شايف
ما هابكي علي اللي راح
ولا أعاتب غدر الزمان
ليه يا دنيا آسيه عليا
فين وصايا خير البريه ؟
فين حنان الام فين ؟
فين الأخوة ؟ليه الاسية؟
مين هيمسح دمع الأسية
مين يجيب الحق ليا ؟
لما الاخ يبقي الضحية
انتم فين يا بشر ؟
لما اليتيم أصبح وجع
فين الجدع فين البشر
حسره عليك يا بلد
الام فيك تتنهش .
والاب صار كالوهن
عجبي عليك يازمن
طبال وفيه العبر
يتيم ومالو سند
لمين نروح نشتكي
والكل منه اتبعد
يتيم وعايش وسطكم
يمكن انول ودكم
يمكن ألاقي السند
لظهري اللي انقسم.
بحنان الاب نفسي
وحضن امي ما إتنسي
غريب وجاي حيكم
طالب رضاكم كلكم
اعيش في وسطكم
للحب هتقبلوا ؟
ولا خلاص هتهربوا
ولا قلوبكم صارت حجر
ولا نفوسكم من الشر اتملت
محمود وافي
ليست هناك تعليقات:
إرسال تعليق