رباعيات الشبل
الجزء السابع
(الصبر )
مقتول كالعادة وبزياده
إن التطبيل أصبح عاده
ليه التخلف يابني أدمين
افعالي ليه حزين وساده
اضحك على نفسي وحالي
مش عارف أغني موالي
ساكن دايما جوا الحزن
ثماره طرحه باغصاني
غني ياربابه بالوتر الحزين
طلع الخاين هو عم أمين
سرق واكل نعجات الواحة
نجس ارض الناس الطيبين
ليه من الراتب ياناس تعبانين
واخدالسيادة باسم العلم والدين
وتاجر وعالم ولابس ألف وش
ماصص دماء الغلابة المصريين
ياقلم اكتب علي وشي سعيد
وبكره يجيب معه لبس العيد
وشاهد عيان بيندغ بجد لبان
وبتألم من يوم ماكنت وليد
قالت تعرف تغني صبا وبياتي
قولت لها تعرف ترتلي أياتي
انا مدرسة العشق السارح بالهوا
قالت تعالي اقرأ بالحب كلماتي
ياليل مال نجومك زعلانين
بشوفهم بيرقصوا فرحانين
اصل العبارة باعوا القناديل
والمحب صار من المغبونين
ياصبر قولي فين دوا العشاق
قلبي بهواهم صار كتير مشتاق
وانا بغني للصبر في المواويل
ان عيني ماتشوف لحبك فراق
لساك يا صبر صحبي
من يوم ماكنت بحبي
سكتي مفهاش سلامة
فيها ندامة واهات حزني
صبرك ياصبر عليا استني كدا شويه
الدنيا عوزه الطبل والرقص والبلاغيه
وانا فارس بدون حصان ولا سيف
رماني الهوا على صدر دنيا غبيه
رباعيات الشبل
(الصبر )
الشاعر / إبراهيم عبد الفتاح شبل
ليست هناك تعليقات:
إرسال تعليق