قصيدة.
______(بهلونات)
_______
حديقة الحياة النهاردة.
مفيهاش غير بهلونات..
وفروع ناسيه أصلها.
الجدر فيها مات..
العين بتدمى عليها.و
القلب بينزف سكات!!
على قلوب مغلوب أمرها.
أصحابها من الاموات!!
الأسم عايشه وما هش عايشه.
غير على حبة فتات!!
حديقة الحياة فيها البشر.
دبلانه ورودها والبنات..
عودها حلف مايزهر وانكسر.
ميزان الشعر ف الأبيات..
وبقت القرود بنتنطط.
على سبع شاب حكايات!!
وعقول من الفكر بتتخبط.
مابين الحاضر واللى فات..
لا عارفه تحسم أمرها ولا تفرق.
الملح من سكر النبات..
بقينا فى نهاية الزمان.
واللى فاضل يادوب ساعات..
من فين حييجى الامان؟
والظلم مكان العدل بات؟!
بقلم/السيد حسن السيد.
30/8/2021
ليست هناك تعليقات:
إرسال تعليق