الزمالك والدوري الصيدلي محمد حلمي البراجه

 الزمالك والدوري

الدنيا قامت ماقعدتش....جنازه في بلدنا محصلتش

الزمالك خد الدوري مااستاذنش

ليه يازمالك ماينفعش...... تاخد دوري والاهلي مايفرحش

هو يازمالك انت متعرفش.... إن البلد فيها اهلي مايخسرش

وإن البطوله لغيره ماتنحسبش......غلطان يازمالك مابتقدرش

حداد على القنوات مبطلش..... قلت خير يارب...مين مات وانا معرفش .... ومين راح ومرجعش .... ولاارضنا ضاعت وراح العرش....

قالوا حاجه ماتتصورش .....الزمالك اتهور وماعبرش ....

فاز بالدوري مهزرش....... رجاله بتلعب ماتخفش....

ومن يومها اصحابنا جالهم هرش....نازلين علي الزمالك بطش

متقلش حصل لهم خدش.....أو راسهم ملاها عفش

ياشيكا ارفع راسك ومتعبرش.... انت في قلوبنا متزعلش... وآدم تفرح بيه ماتتحرمش

كان نفسهم ماتفرحش .....لكنك اباتشي ماترحمش

طلعت حر ماتخفش.....للدرع راجل مااستلمش

وقفوك عن اللعب مايهمكش.....انت جوانا ماتقلقش

حبنا ليك مايقفش......مهما عملوا اهل العفش

وانت يازمالك ماتتكررهاش.....خليك عاقل ماتولعهاش

في جنازه احنا ماخلصناش ....كاس ودوري مايلزمناش

واحنا معاك ولوببلاش......

الصيدلي الشاعر

محمد حلمي البراجه

٤٤

٥ تعليقات

٢٤ مشاركة

أعجبني

تعليق

مشاركة