حتة كدا زى بتوع عمنا صلاح جاهين
( خليك أصيل) كتبت فى23/9/2019
وإن كل الناس ...... عابوك
يكفيك إنك....... شبه أبوك
وإن كل الناس .....لاموك
سيبهم يلوموا حتى يسيبوك
خليك واثق من نفسك
وإتنفس بقلمك فى... كراستك
وأعرف حدودك فين
ولاتعتبشى........... على لايمين
دا الناس أصلها معادن
والمعدن الأصيل لابد.......... يبان
مهما طال عليه الزمان
يزيد على طول... ....فى اللمعان
أما الخسيس مهما عِلى
يروح معدنه فى.......... خبر كان
زى الزمان على طول غدار
ميكملشى معاك........... مشوار
يسيبك في نص الطريق
تايه في بحر زي............. الغرقان
لكن إبن الأصول فى الشدة يبان
يعطى بيمين وشمال.......... كمان
نصيحة ليك والتجربة ليا
خليك أصيل .............. ولا يهمك
وإن جارعليك. ..... الزمان
ماحد يشيل .............. همك
غير واحد أصيل زي حالك
وحاله مش بعيد ...........عن حالك
مقولتلك أصل الناس معادن
مختلفة حتى...... ..... فى اللمعان
ليست هناك تعليقات:
إرسال تعليق